Urdu Poetry | Kabhi Ay Haqiqat-e-muntazar Nazar Aa Libas-e-majaz Mein

Kabhi Ay Haqiqat-e-muntazar Nazar Aa Libas-e-majaz Mein 

Ki Hazaron Sajde Tadap Rahe Hain Meri Jabin-e-niyaz Mein 

کبھی اے حقیقت منتظر نظر آ لباس مجاز میں 

کہ ہزاروں سجدے تڑپ رہے ہیں مری جبین نیاز میں 

Tarab-ashna-e-kharosh Ho To Nawa Hai Mahram-e-gosh Ho 

Wo Sarod Kia Ki Chhupa Hua Ho Sukut-e-parda-e-saz Mein 

طرب آشنائے خروش ہو تو نوا ہے محرم گوش ہو 

وہ سرود کیا کہ چھپا ہوا ہو سکوت پردۂ ساز میں 

Tu Bacha Bacha Ke Na Rakh Ise Tera Aaina Hai Wo Aaina 

Ki Shikasta Ho To Aziz-tar Hai Nigah-e-aina-saz Mein 

تو بچا بچا کے نہ رکھ اسے ترا آئنہ ہے وہ آئنہ 

کہ شکستہ ہو تو عزیز تر ہے نگاہ آئنہ ساز میں 

Dam-e-tauf Kirmak-e-shama Ne Ye Kaha Ki Wo Asar-e-kuhan 

Na Teri Hikayat-e-soz Mein Na Meri Hadis-e-gudaz Mein 

دم طوف کرمک شمع نے یہ کہا کہ وہ اثر کہن 

نہ تری حکایت سوز میں نہ مری حدیث گداز میں 

Na Kahin Jahan Mein Aman Mili Jo Aman Mili To Kahan Mili 

Mere Jurm-e-khana-kharab Ko Tere Afw-e-banda-nawaz Mein 

نہ کہیں جہاں میں اماں ملی جو اماں ملی تو کہاں ملی 

مرے جرم خانہ خراب کو ترے عفو بندہ نواز میں 

Na Wo Ishq Mein Rahin Garmiyan Na Wo Husn Mein Rahin Shokhiyan 

Na Wo Ghaznawi Mein Tadap Rahi Na Wo Kham Hai Zulf-e-ayaz Main 

نہ وہ عشق میں رہیں گرمیاں نہ وہ حسن میں رہیں شوخیاں 

نہ وہ غزنوی میں تڑپ رہی نہ وہ خم ہے زلف ایاز میں 

Main Jo Sar-ba-sajda Hua Kabhi To Zamin Se Aane Lagi Sada 

Tera Dil To Hai Sanam-ashna Tujhe Kia Milega Namaz Mein

میں جو سر بہ سجدہ ہوا کبھی تو زمیں سے آنے لگی صدا 

ترا دل تو ہے صنم آشنا تجھے کیا ملے گا نماز میں